मालवण
गेले दोन दिवस वादळी वाऱ्यासह कोसळत असलेल्या मुसळधार पावसामुळे आज सोमवारी पहाटे साडे पाच वाजण्याच्या सुमारास आचरा भंडारवाडी येथील मधुकर यशवंत मुणगेकर यांच्या राहत्या घराच्या पडवीवर माड कोसळ्याने पडवीचे सुमारे २५ हजाराचे नुकसान झाले आहे
गेले दोन तीन दिवस सातत्याने वादळी वाऱ्यासह आलेल्या मुसळधार पावसाने आचरे भंडारवाडी येथील मधुकर यशवंत मुणगेकर यांच्या घराच्या पडवीवर माड कोसळला घरापासून काही अंतरावर असलेला हा माड कोसळला तेव्हा मुणगेकर कुटूंबीय हे घराच्या पुढच्या भागात झोपलेली होती त्यामुळे मुणगेकर कुटूंबीय हे बालबाल बचावले माड कोसळल्याने घराचे वासे, कौले लाकडी रिपा, पत्रे असे मिळून सुमारे २५ हजाराचे नुकसान झाले आहे.
या घटनेची माहिती मिळाल्यावर आचरा माजी सरपंच मंगेश टेमकर, तलाठी अनिल काळे पोलीस पाटील विठ्ठल धुरी, कोतवाल गिरीश घाडी यांनी घराची पाहणी करून झालेल्या नुकसानीची पंचायादी घालून माहिती महसूल विभागाला कळविली आहे.
