मालवण :
मालवण तालुक्यातील नांदोस गावात जंगलमय भागात पुरुष जातीचा सडलेल्या अवस्थेतील मृतदेह सापडल्याने एकच खळबळ उडाली आहे. मृतदेहाच्या काही भागाचे जंगली प्राण्यांनी लचके तोडल्यामुळे मृतदेहाची काही प्रमाणात वाताहात झालेली आहे. ही बातमी समजताच गावातील स्थानिक नागरिकांनी याबाबत मालवण पोलिसांना संपर्क साधून माहिती दिली. त्यानुसार पोलीस उपनिरीक्षक एस एस खाडे, पोलीस कर्मचारी सुहास पांचाळ कट्टा पोलीस दूर क्षेत्रचे श्री मोरे घटनास्थळी दाखल झाले असून पुढील तपास सुरू आहे.
