गणेशोत्सवानंतर चाकरमान्यांसाठी देवगड आगारातून ज्यादा बससेवा

१६ ते २७ सप्टेंबरदरम्यान मुंबई, बोरीवली, ठाणे, कुर्ला, नालासोपारा व चिंचवडसाठी विशेष फेऱ्यांचे नियोजन

देवगड :

गणेशोत्सवाच्या पार्श्वभूमीवर प्रवाशांची वाढती गर्दी लक्षात घेऊन महाराष्ट्र राज्य मार्ग परिवहन महामंडळाच्या देवगड आगारातर्फे चाकरमान्यांच्या परतीच्या प्रवासासाठी ज्यादा बससेवेचे नियोजन करण्यात आले आहे. १६ ते २५ सप्टेंबरदरम्यान देवगड-नालासोपारा बस दररोज दुपारी ३ वाजता सोडण्यात येणार आहे.

१९ सप्टेंबरला देवगड-बोरीवली तीन बस दुपारी ३.३०, ३.४५ व सायंकाळी ५ वाजता, देवगड-मुंबई दोन बस ४.१५ व ४.४५ वाजता, देवगड-कुर्ला नेहरूनगर एक बस ४.३० वाजता आणि देवगड-ठाणे एक बस ४.१५ वाजता सोडण्यात येणार आहे.
२० सप्टेंबरला देवगड-बोरीवलीसाठी दहा विशेष बस ३.३० ते ५.१५ या वेळेत, देवगड-मुंबई तीन बस ४.१५, ४.३० व ४.४५ वाजता, देवगड-कुर्ला नेहरूनगर दोन बस ४ व ४.३० वाजता, देवगड-ठाणे एक बस ४.१५ वाजता आणि देवगड-चिंचवड एक बस सायंकाळी ५ वाजता उपलब्ध राहणार आहे.

२१ सप्टेंबरला देवगड-बोरीवली चार बस ३.३०, ३.४५, ४ व ५ वाजता, देवगड-मुंबई दोन बस ४.१५ व ४.४५ वाजता आणि देवगड-कुर्ला नेहरूनगर एक बस ४.३० वाजता सोडण्यात येणार आहे.

तसेच २६ सप्टेंबरला देवगड-बोरीवली दोन बस सायंकाळी ४ व ५.१० वाजता, तर देवगड-मुंबई एक बस सायंकाळी ६ वाजता सोडण्यात येणार आहे. २७ सप्टेंबरला देवगड-बोरीवलीसाठी एक विशेष बस सायंकाळी ४.५५ वाजता उपलब्ध राहणार आहे.
गणेशोत्सवानिमित्त मुंबई व उपनगरातून देवगडमध्ये आलेल्या चाकरमान्यांना परतीच्या प्रवासासाठी या ज्यादा बससेवेचा लाभ घेता येणार आहे. गर्दीच्या काळात प्रवाशांची गैरसोय टाळण्यासाठी आगाराने हे नियोजन केले आहे.