*जागतिक साहित्य कला व्यक्तित्व विकास मंचच्या सन्माननीय सदस्या ज्येष्ठ लेखिका कवयित्री विजया केळकर लिखित अप्रतिम काव्यरचना*

*गृहिणी….*

नीलवर्ण आकाशात चद्रासवे रोहिणी
विजयात घरात मिरवे गृहिणी
नणंदा भावजयी वावरती जणू मैत्रिणी
जावा-जावा जणू पाठच्या बहिणी…..
‘
ओळखता न ये कोण सासुरवाशिणी
अहो!निरखा-परखा कोण माहेरवाशिणी
सर्वस्व समर्पूनी पतीची सहधर्मचारिणी
वर्चस्व जपूनी मानाची करी राखणी…..

क्षमस्व म्हणूनी टाळे प्रसंग आणीबाणी
मनस्वी होऊनी जीव होई पाणी पाणी
उलट्या सीध्या टाक्यांच्या अनेक विणी
चौकटी बाहेर पडण्याची एक परवणी…..

सार्‍यांनी घालावे खत पाणी
खणून माती, जशी करावी खुरपणी
खणून मती, बदलावी विचार सरणी
खूणगाठ बांधा, जपत मंत्र हा स्मरणी……

फुलबाग बहरेल खुशीत फुलराणी
नव्या युगाची ओळखता नवी मागणी
हातात हात गुंफुनी गावीत गाणी
अशी ही सुरस कहाणी,बोला जय हिरकणी…..

विजया केळकर________
( महिलादिनी विशेष)