बाप्पा घरी आले 

आज अंगणात मंगल गंध दरवळला

गणराय आगमनाने परिसर उजळला l

दारी तोरण, ओठांवर बाप्पाचं नाव

आनंदाने भरून गेलं सार गाव l

ढोल-ताशांचा मोठा निनाद झाला

“गणपती बाप्पा मोरया” जयघोष झाला l

फुलांच्या सुगंधाने सजली वाट

बाप्पा आले घेऊन सुखाची पहाट l

सर्वांच्या डोळ्यांत आनंदाश्रू दाटले

बाप्पांच्या दर्शनाने दुःख सारे मिटले l

नव्या आशेची दिली त्यांनी साथ

आशीर्वादांनी उजळली जीवनाची वाट l

मोदकांचा गोडवा, आरतीचा स्वर

बाप्पांच्या कृपेने प्रसन्न झालं घर l

संकटं सारी दूर जाऊ देत,

सुख-समृद्धीची फुलं फुलू देत l

मनातील इच्छा बाप्पांनी जाणावी

प्रत्येक घरात आनंदाची पालवी यावी l

हात जोडून एवढीच प्रार्थना खास

राहू दे तुमचा आशीर्वाद आसपास l

गणराया आला, आनंद घेऊन आला

भक्तांच्या हृदयात प्रेम दीप लावून गेला l

कवी प्रदीप जोशी, विटे

भ्रमणध्वनी 9881157709