*मनस्पर्शी साहित्य कला व क्रीडा प्रतिष्ठानच्या सन्मा सदस्या ज्येष्ठ लेखिका कवयित्री अरुणा गर्जे लिखित अप्रतिम काव्यरचना*

*अलविदा….*

‘अलविदा ‘ एकच हा शब्द

तो स्तब्ध ती नि:शब्द

पाही ना कुणी कुणाची वाट

चालू लागली पाऊले वाट

वाटाही त्या दोन्ही समांतर

पुढेच जातील राखून अंतर

ध्येय गाठण्या आज स्वत:चे

मोल न जाणती ते प्रेमाचे

ध्येय गाठणे हेच स्वप्न जर

का प्रेमाचा डाव घडीभर

धाव धावणे आयुष्यभर

जीवन जगण्या उसंत ना क्षणभर

गाठभेट मग कधी वळणावर

काय बोलावे न सुचेल क्षणभर

जातांना ते म्हणतील एकदा

एकच हा शब्द ‘अलविदा’

@अरुणा गर्जे

सांगली