*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री सुशीला हेमचंद्र पिंपरीकर लिखित अप्रतिम काव्यरचना*

*धरा रडते आहे*

भेगाळली धरा रडे

*झाले काय माते तुला*

अश्रू झालेत कोरडे

*वाटे अस्वस्थ हो मला* |१|

किती सोसाव्या वेदना

*गर्भ नित्य खणताती*

गेले जल खाली खोल

*घरे नभा भिडताती* |२|

काच कचरा पोटात

*साठे ओठात प्लास्टिक*

सोनसाठे खनिजात

*प्रेम करावे आत्मिक* |३|

माय तुम्हा वात्सल्याची

*दु:ख देते प्रदूषण*

लावा झाडे संवर्धना

*जलाविना वणवण* |४|

पशुपक्षी राने वने

*सारी माझीच लेकरे*

जगायचे का सुखाने

*हाती तुझ्या माणसा रे* |५|

सुशीला हेमचंद्र पिंपरीकर, नाशिक