*जागतिक साहित्य कला व्यक्तित्व विकास मंचचे सन्मा सदस्य ज्येष्ठ लेखक कवी अनिल देशपांडे लिखित अप्रतिम काव्यरचना*

*’ती’ला वंदन*

तुझ्याच कष्टांतून हा

संसार सारा डोलतो

आत्मविश्वासच तुझा,

आज नभाशी बोलतो ||१||

तू घराचा श्वास आहेस

तूच पाया अन् कळस

जिद्द तुझी अन् तेज पाहुन,

सूर्य सुद्धा रापतो ||२||

सोसतेस तू दुःख तरीही

हास्य सदा ओठी असते

शक्तीचा जो स्त्रोत तुझा,

तव संकटांना थोपवतो ||३||

माया कधी, ममता कधी

होशी कधी रणरागिणी

तुझ्याच रक्त-घामावरी,

प्रपंच सारा चालतो ||४||

विज्ञानाचे क्षेत्र असो वा

असो रणांगण युद्धाचे

हरेक क्षेत्री आज तुझा गे,

अमित ठसाही उमटतो ||५||

तू कुणाची लेक, भगिनी

तूच पत्नी, तू आईही

महिला दिनी गौरव तुझा,

काळही तुज वंदितो ||६||

अनिल देशपांडे, नाशिक

08 मार्च 2026