कोरोना लस निर्मितीमुळे जगाचे लक्ष वेधून घेणाऱ्या हडपसरजवळील सीरम इन्स्टिट्युटच्या मांजरी येथील प्लांटमध्ये गुरूवारी दुपारी सव्वा दोन वाजण्याच्या सुमारास आग लागल्याची घटना घडली. या घटनेनंतर अग्निशामक दलाच्या दहा गाड्या व ब्रांटो ही अद्ययावत यंत्रणा असलेली गाडी घटनास्थळी दाखल झाली आहे. आग विझविण्याचे काम युद्धपातळीवर सुरू आहे. सीरम इन्स्टिट्युटमधील “आर-बीसीजी’ लस निर्मितीकरणाऱ्या इमारतीमध्ये ही आग लागली असून कोरोनाच्या “कोवीशील्ड’ लस निर्मिती केंद्र त्यापासून दूर आहे.