जागतिक साहित्य कला व्यक्तित्व विकास मंच सदस्य ज्येष्ठ कवी, संगीतकार, गायक श्री अरुण गांगल यांची अप्रतिम काव्यरचना

कृष्ण नाम घेता रंगांचे उठती तरंग
राधा-कृष्ण गोपी भासती नृत्यात दंग।।ध्रु।।

काम धाम विसरुनी वाटे उत्साह उमंग
षड्रिपु न राहे खेळता नवरस रंग
श्याम मुरारीचे जाणिवेनं होती दंग।।1।।

रंगाची उधळण करीत नाचे पांडुरंग
संगीत शब्द ताल बदलती अंतरंग
भेदा-भेद नुरे खेळता होळीचे रंग।।2।।

सण उत्सव प्रसंगापरी भरतो रंग
वारी गणपती नवरात्री आनंद तरंग
अवघा बने एक रंग,रंगी रंगे श्रीरंग।।3।।

काव्य:श्री अरुण गांगल. कर्जत, रायगड.
पिन 410 201.Cell.9373811677.