*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री उज्ज्वला सहस्त्रबुद्धे लिखित अप्रतिम काव्यरचना*
*सृष्टी….*(षडाक्षरी)
ढगाळ आभाळ,
सकाळच्या वेळी!
मेघांना वेढून ,
हवा पावसाळी !…१
चाहूल वर्षेची,
संपला उन्हाळा!
अचानक वाजे ,
पावसाचा वाळा!…२
ऊन पावसाचा ,
खेळ सुरू झाला!
सृष्टीच्या रंगात ,
माणूस भिजला !….३
नकळत दिली,
निसर्गाने छाया!
किमया वर्षेची ,
आतुर पहाया !…..४
ऋतू चक्रा मध्ये,
मनस्विनी सृष्टी !
न्याहाळीत आहे,
तिची चमत्कृती !….५
उज्वला सहस्रबुद्धे, पुणे
