*जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी चंद्रशेखर कासार लिखित अप्रतिम लावणी*

*बैठकीच्या दरबारी*  

विडा बनारसी पानात गुलकंद लई भारी

यावं सरकार बसा की बैठकीच्या दरबारी||धृ||

सजलाय दरबार झुंबर तोरणं रोषणाईनं

बसायला मखमली गालीचा सुगंधी इत्रानं

संगीत साज बैठकीला समोर बसली सुंदरी

यावं सरकार बसा की बैठकीच्या दरबारी ||१||

नटूनथटून आली नार करून सोळा श्रृंगार

चाल गजगामिनीची पायात पैंजणांचा भार

पारखून घ्या नजरेत एक एक अदाकारी

यावं सरकार बसा की बैठकीच्या दरबारी ||२||

सळसळती ज्वानीची नशा अंगात उभारी

नजरेचा तीर भल्याभल्यांना घायाळ करी

भरजरी शालू पैठणी नेसले नऊवारी

यावं सरकार बसा की बैठकीच्या दरबारी ||३||

कवी :-

*चंद्रशेखर प्रभाकर कासार*

*चांदवडकर,धुळे.*

७५८८३१८५४३.

८२०८६६७४७७.