मैत्र

संवाद तुमचा - आमचा, उभ्या महाराष्ट्राचा

मैत्र

Post published:मार्च 19, 2023
Post category:कविता
Post comments:0 Comments

*जागतिक साहित्य कला व्यक्तित्व विकास मंचचे सन्मा.सदस्य ज्येष्ठ लेखक कवी अशोक शहा लिखित अप्रतिम काव्यरचना*

*मैत्र*

कळलेच नाही कसे कधी
जुळले नाते मैत्रीचे
गडगडणार्या वांड ढगाचे
नी शांत निळ्या आकाशाचे

किती आठवणी बालपणीच्या
अवचित मनात अवतरती
ताकावरती लोणी जसे
उसळी मारून येई वरती

केले लाडू छान आईने
उंच फळीवर परि ठेवले
चढून माझ्या पाठीवरती
क्षणात खाली तू घेतले

ठेच लागली धडपडलो मी
झाले चालणे कठीण मला
पाठुंगळी घेऊन ओझे
सोडलेस तू घरी मला

आयुष्याच्या वाटेवरती
अनेक संकटे येती जाती
वाटचाल ही सोपी झाली
मित्र चांगला तू सांगाती

किती चाललो वाट आपण
सरत आले आता अंतर
गट्टी आपली अजून घट्ट ती
नाही पडले कधीच अंतर

देवाचे हे अमुल्य देणे
सावली आणि उजेडाचे
मैत्र जुळले आयुष्याचे
नाते कृष्ण सुदाम्याचे

*अशोक शहा,पुणे*

*👉मोफत समुपदेशन….मोफत समुपदेशन …*

*”एक पाऊल उज्ज्वल भविष्याच्या दिशेने*

*” महर्षी कर्वे स्त्री शिक्षण संस्था ” शिरगाव रत्नागिरी*

🔹रत्नागिरी तालुक्यातील इयत्ता बारावी मध्ये शिक्षण घेत असलेल्या सर्व विद्यार्थ्यांसाठी आणि त्यांच्या पालकांसाठी ” महर्षी कर्वे स्त्री शिक्षण संस्था ” शिरगाव रत्नागिरी, यांच्या वतीने *_”एक पाऊल उज्ज्वल भविष्याच्या दिशेने “_* १२ वी नंतर विविध क्षेत्रातील सुवर्ण संधींवर मार्गदर्शन हा मोफत समुपदेशन कार्यक्रम *_शुक्रवार , दिनांक २४ मार्च २०२३ रोजी सकाळी १०:०० ते दुपारी १:००_* या वेळेत *मराठा भवन मंगल कार्यालय* ,जिल्हा परिषदे जवळ , रत्नागिरी येथे आयोजित करण्यात आला आहे .

*प्रमुख वक्ते :प्रा .विजय नवले (करिअर पाथ निर्मिती मध्ये विश्वविक्रम करणारे तज्ञ )*

🔹या कार्यक्रमासाठी मोफत नाव नोंदणी खालील गुगल फॉर्म लिंक द्वारे करावी .

https://forms.gle/Sv7pZYtT9X1Lw2F18

*महर्षी कर्वे स्त्री शिक्षण संस्था*
*कॉलेज ऑफ कम्प्युटर ॲप्लिकेशन फॉर वूमेन*

*📲संपर्क क्रमांक :*

*९४२०२७४११९*
*७९७२९९७५६७*

—‐—‐——–‐————‐-‐‐-