बॅ. बाळासाहेब खर्डेकर महाविद्यालय वेंगुर्ले यांचा उपक्रम
वेंगुर्ले
बॅ.बाळासाहेब खर्डेकर महाविद्यालय ,वेंगुर्ले यांचेमार्फत ग्रंथालय उपक्रमांतर्गत प्रतिवर्षाप्रमाणे शिवजयंतीचे औचित्य साधून शुक्रवार १७ फेब्रुवारी २०२३ रोजी सकाळी ९-०० वाजता जिल्हास्तरीय वक्तृत्व स्पर्धेचे आयोजन करण्यात आलेले आहे.
वेंगुर्ले येथील ही स्पर्धा इयत्ता दहावीपर्यंतचा शालेय गट व खुला गट अशा दोन गटांमध्ये घेण्यात येणार आहे.
शालेय गटासाठी ‘राजमाता जिजाऊ:एक अलौकिक व्यक्तिमत्व’ व खुल्या गटासाठी ‘छत्रपती शिवाजी महाराजांचा राज्याभिषेक : स्वराज्याची गरज’ हे विषय आहेत.
शालेय गटासाठी किमान पाच ते कमाल सात मिनिटे व खुल्या गटासाठी किमान आठ ते कमाल दहा मिनिटे वेळ आहे.
शालेय गट प्रथम पारितोषिक रु.1000/-, द्वितीय रु. 750/- ,तृतीय रु.500/- व उत्तेजनार्थ प्रथम व द्वितीय प्रत्येकी रु300/-सर्वांना चषक व प्रमाणपत्र तसेच खुलागट प्रथम क्रमांक रु 1500/-, द्वितीय रु. 1100/-, तृतीय रु.750/- व उत्तेजनार्थ प्रथम व द्वितीय प्रत्येकी रुपये ५००/- व सर्वांना चषक व प्रमाणपत्र असे बक्षिसाचे स्वरूप आहे. सहभागी सर्व स्पर्धकांना प्रमाणपत्रे देऊन गौरविण्यात येईल. स्पर्धेत प्रवेश घेण्यासाठी श्री संजय पाटील मोबा.नं. (९८९०६९४७०९) व श्री सुनील आळवे मोबा.नं.(९४२१६३११४७) यांचेशी संपर्क साधावा. तरी जास्तीत जास्त स्पर्धकांनी या स्पर्धेमध्ये सहभाग घ्यावा असे आवाहन बॅ.बाळासाहेब खर्डेकर महाविद्यालयाचे प्राचार्य डॉ.श्री विलास देऊलकर यांनी केले आहे.
