मालवण
भारतीय जनता युवा मोर्चा मालवण पुरस्कृत व महापुरुष रेवतळे कबड्डी संघ यांच्यावतीने आयोजित शिवजयंती निमित्त मॅटवरील निमंत्रित संघांसाठी छत्रपती चषक २०२२ जिल्हास्तरीय डे-नाईट कबड्डी स्पर्धा दि. १९ फेब्रुवारी रोजी मालवणच्या बोर्डिंग ग्राउंड मैदानावर होणार आहे.
या स्पर्धेतील प्रथम पारितोषिक रोख रुपये पंधरा हजार व चषक, द्वितीय पारितोषिक दहा हजार व चषक तसेच तृतीय व चतुर्थ पारितोषिक पाच हजार व चषक देऊन गौरविण्यात येणार आहे. तसेच अष्टपैलू खेळाडू १५०० रुपये व चषक, उत्कृष्ट चढाई १००० रुपये व चषक, उत्कृष्ट पकड १००० रुपये व चषक देण्यात येणार आहे. कोरोनाचे अटी नियम पाळून स्पर्धा खेळविण्यात येणार आहे. तरी कबड्डी प्रेमींनी यावेळी उपस्थित राहण्याचे आवाहन भाजप युवा मोर्चा शहर अध्यक्ष ललित चव्हाण यांनी केला आहे.
