जागतिक साहित्य कला व्यक्तित्व विकास मंच सदस्या लेखिका कवयित्री सायली कुलकर्णी यांची स्वामी विवेकानंदजींच्या जन्मतिथी निमित्त लिहिलेली अप्रतिम काव्यरचना

होते पसरले दैन्य
धर्म ग्लानिमय झाला
तेव्हा कोलकत्ता येथे
दीप ज्ञानाचा जन्मला

लहानग्या नरेंदाची
होती बुद्धी अलौकिक
पुढे रामकृष्ण यांनी
पैलू पाडले अचूक

रामकृष्ण मिशनची
केली तयांनी स्थापना
धर्मप्रसारार्थ केले
समर्पित स्व जीवना

बंधू आणि भगिनींनो
दिली शिकागोत साद
साऱ्या अमेरिकेमध्ये
उमटले पडसाद

योग वेदांवर दिली
त्यांनी कित्येक व्याख्याने
वक्तृत्वाने जिंकलेली
होती श्रोत्यांची हो मने

स्वामी विवेकानंद ही
त्यांना मिळाली उपाधी
ज्ञान, प्रेम, विवेकाचे
होते स्वामी तेजोनिधी

© सायली कुलकर्णी
वडोदरा,