वेंगुर्लेची ग्रामदेवता श्री देवी सातेरीचा वार्षिक जत्रोत्सव त्रिपुरारी पौर्णिमेला गुरुवार, १८ नोव्हेंबर रोजी विविध धार्मिक कार्यक्रमांनी साजरा होणार आहे. यानिमित्त सकाळी ८ वा. श्री देवी सातेरीचे पाद्यपूजन, सकाळी ९ वा. पालखीचे आगमन, रात्रौ ११ वा. श्री देव रामेश्वर पालखी भेट, तरंगदेवता, श्री देव रामेश्वर व श्री देवी सातेरी यांच्या पालखीसह मंदिर प्रदक्षिणा, त्यानंतर रात्रौ श्री पार्सेकर दशावतार मंडळाचा नाट्यप्रयोग होणार आहे.
उत्सवानिमित्त पुष्पपूजा, मंदिरात खास फुलांची आकर्षक सजावट व संपूर्ण मंदिरास नयनरम्य विद्युत रोषणाई करण्यात येणार आहे. भाविकांनी दर्शनाचा व कार्यक्रमाचा लाभ घ्यावा, असे आवाहन विश्वस्त मंडळ श्री देवी सातेरी देवस्थान वेंगुर्ले यांनी केले आहे.
