जागतिक मराठी साहित्य कला व्यक्तित्व विकास मंच सदस्य ज्येष्ठ लेखक कवी गझलाकार अरविंदजी ढवळीकर यांची काव्यरचना

मी असा नवहतोच कोठे
काल ही वा आज ही
ना स्पर्श ही ना दृश्य ही
ना शब्द वा आवाज ही

मोकळ्या माझ्या मनाच्या
गंध गाभार्यात भरला
हळुच हा हळुवार तेंव्हा
छंद ही स्वच्छंद बनला

श्वास आणी ध्यास यांचा
हलकेच हलका मेळ जमला
हाच प्रभुच्या दर्शनाने
स्पंदनांचा खेळ रमला

हीच अनुभूती असावी
विसर माझा मज असावा
असलो जरी कोठे कधी
चित्ती गजानन साठवावा

अरविंद