दोडामार्ग
घरात आपले कोणी नाही, मुलबाळ नाही, अशात जीवन जगायचे एकटेपण, अशा परिस्थितीत असलेल्या कळणे येथील वृद्धाची होत असलेली अबाळ शिवसेना तालुकाप्रमुख व प स सदस्य बाबुराव धुरी यांच्या कानावर आली, कायमच समाजाच्या शेवटच्या घटकापर्यंत पोहचण्यास तत्पर असलेल्या धुरी यांनी क्षणाचाही विलंब न करता या वृद्धाला आसरा कसा मिळेल यासाठी जि प सदस्यां संपदा देसाई सामाजिक कार्यकर्ते गणपत देसाई व बाळू गवस यांच्या माध्यमातून प्रयत्न सुरू केले. यात त्यांना यश येऊन “रमाई वृद्धाश्रम” तुये गोवा येथे या वृद्धाची व्यवस्था केली याकामी या वृद्धाश्रमाचे व्यवस्थापक दिपक देसाई यांनी महत्वाचे सहकार्य केले.
