मुंबई

गेल्या काही दिवसांत देशात कोरोना रूग्णांच्या संख्येत झपाट्याने वाढ होती आहे. लसीकरणानंतर सुरूवातीचे काही दिवस कोरोना आटोक्यात येतोय असे वाटत असतानाच कोरोनाचा पुन्हा एकदा उद्रेक होऊ लागला आहे. त्यात आता कोरोनाच्या दुस-या लाटेचा फटका लहान मुलांनाही बसू लागलाय. बंगळुरूत दहा वर्षांखालील मुले जास्त प्रमाणात कोरोनाच्या विळख्यात येत असल्याचे चित्र आहे. या वयोगटातल्या रूग्णांच्या संख्येत सातत्याने वाढ होत आहे.

या महिन्यात बंगळुरूत दहा वर्षांखालील 472 कोरोना रूग्णांची नोंद झाली आहे. यातील 244 मुले आहेत तर 228 मुली आहेत. येत्या दोन दिवसांत हा आकडा 500पार जाण्याची शक्यता आहे.