*जागतिक साहित्य कला व्यक्तित्व विकास मंच तथा श्रीशब्द लालित्य समूहाच्या सन्मा सदस्या ज्येष्ठ लेखिका कवयित्री स्नेहा नारिंगणेकर लिखित अप्रतिम भावगीत*

*माझी लेक लाडकी साजिरी*

डोळ्यांच्या निरंजनात तेवती आठवणींच्या वाती

मायेच्या या कौतुकाची ओढ सजली मनाच्या काठी ||धृ ||

तू उमलती गुलाबकळी तू अवखळ उनाड वारा..

गंध पंखुडीत भ्रमरापरी तुझ्या खोडकर आठवांच्या धारा..

हळुवार ओठावर स्मृतीची पाखरे गाणी गाती…

मायेच्या या कौतुकाची ओढ सजली मनाच्या काठी….||1||

चाफा फुलला चाफा बोलला दरवळला सुगंध..

तुझा गोड किलबिलाट घरात नांदतो आनंद…

ताईची ग तू प्रतिकृती साजरा अनमोल मोती…

मायेच्या या कौतुकाची ओढ सजली मनाच्या काठी….||2||

कोडींगच्या मायाजालात गुंफसी बुद्धीचे हे रंग…

तुझ्या उत्तुंग यशाने उमलती आनंद तरंग…

आकाशाच्या त्या पार जाता शोभे तारकांत ही ज्योती…

मायेच्या या कौतुकाची ओढ सजली मनाच्या काठी..||3||

डोळ्यांच्या निरांजनात तेवती आठवणींच्या वाती

मायेच्या या कौतुकाची ओढ सजली मनाच्या काठी….||धृ||

सौ.स्नेहा धोंडू नारिंगणेकर

शिरोडा सिंधुदुर्ग

7066998796