*जागतिक साहित्य कला व्यक्तित्व विकास मंचचे सन्मा सदस्य कवी अरुण वि देशपांडे लिखित अप्रतिम काव्यरचना*

।।गण गण गणात बोते ।। जय गजानन श्री गजानन ।।

__________________________

श्री गजानन विजय काव्यांजली काव्यपुष्प – ९७ वे

अध्या – १७ वा , कविता – १ ली

__________________________

श्री गजानन विजय रसाळ गाथा । श्री दासगणू सांगती दिव्य कथा । श्री गजानन चरणी ठेवू माथा । भक्तिभावे ।। १।।

दासगणूंचे सविस्तर विवेचन ।गजानन चरित्राचे निरूपण ।

त्याचेच हे संक्षिप्त काव्य-निवेदन । करी कवी अरुणदास ।।२।।

श्री गजाननांच्या भेटी-गाठी । असती गावोगावच्या भक्तांसाठी । त्यांच्याच कल्याणासाठी । माऊली करिती प्रवास ।। ३ ।।

भेटण्या परमभक्तांस । स्वामींचे येणे खास । अकोल्यास ।

हमेशा होई ।। ४ ।।

म्हणे शिष्य भास्कर । स्वामी चला मलकापूर । विष्णुसा विनंती वरचेवर । करी मजला ।। ५ ।।

भास्करास स्वामी म्हणती । तू नको करू विनंती । नको

हा आग्रह अती । आता नको जाणे मलकापूर ।। ६ ।।

तरी भास्कर नाही थांबला । पुन्हा पुन्हा विनवणी करू लागला । स्वामी, मी शब्द विष्णुसाला दिला । येईन तुम्हास घेऊन मलकापुरा ।।७ ।।

************************************

करी क्रमशः लेख कवी अरुणदास

___________________________

कवी- अरुणदास ” अरुण वि.देशपांडे

___________________________