*जागतिक साहित्य कला व्यक्तित्व विकास मंचचे सन्मा सदस्य कवी अरुण वि. देशपांडे लिखित अप्रतिम काव्यरचना*

।। गण गण गणात बोते ।। जय गजानन ।।

__________________________

श्री गजानन विजय काव्यांजली काव्यपुष्प – ७४ वे

अध्याय – १३ वा , कविता – २ री

___________________________

विघ्नसंतोषी असे लोक असती । जे चांगल्या कार्यात अडथळे आणिती । यांच्या उचापती खोडा घालिती ।। १।।

मठाच्या कामात असेच झाले । चौकशीचे विघ्न आलें।

खोटेच सांगितले । अशा लोकांनी ।। २ ।।

जोशी अधिकारी चौकशीस आले ।

कागदपत्रे त्यांनी तपासले । संस्थेस दंड योग्य नाहीये म्हणाले । झालेला दंड त्यांनी माफ केला ।।३।।

जोशींची ही कृती । पाहुनी सारे आनंदती । गजानन कृपेची प्रचिती । आली सर्वांना ।। ४ ।।

बांधकाम पूर्ण झाले । स्वामींनी यात लक्ष घातले । म्हणून हे

कार्य सिद्ध झाले । ही भावना भक्तांची ।। ५ ।।

सत्कार्य-महती । स्वामी जाणिती । कृपा करिती । असे कार्य करणाऱ्यांवर ।।६ ।।

नव्या मठात स्वामी आले । स्थान हे पुनीत झाले । भक्तगण

नित्य वाढू लागले । दर्शनास येणारे ।। ७ ।।

**************

क्रमशः करी हे लेखन कवी अरुणदास

___________________________

कवी अरुणदास – अरुण वि. देशपांडे – पुणे

___________________________