*जागतिक साहित्य कला व्यक्तित्व विकास मंचच्या सन्माननीय सदस्य कवयित्री अख्तर पठाण लिखित अप्रतिम अभंग रचना*
*शिर्षक:- पंढरीची वारी.*
सुंदर ते ध्यान | माझ्या विठ्ठलाचे
मनामध्ये त्याचे | दिसे रूप ||१||
विटेवरी उभा | युगे अठ्ठावीस
जीव कासावीस | त्याच्या साठी ||२||
सर्व चराचर | निर्मितो ईश्वर
देह हा नश्वर | तोच देतो ||३||
अवघी दुनिया | भक्त आहे सारी
पंढरीची वारी | वारकरी ||४||
पाठीशी आपल्या | उभा संकटात
रक्षक विश्वात | सर्वांचा तो ||५||
अडकला श्वास | लागे त्याची आस
माझिया मनास | दर्शन दे ||६||
हीच एक आहे | मनिषा उरात
पंढरपूरात | भेट व्हावी ||७||
✍🏻 *कवयित्री अख़्तर पठाण*
*(नासिक रोड)*
*मो.:- 9420095259*
