*जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी गीतकार गायक संगीतकार श्री अरुणजी गांगल लिखित अप्रतिम काव्यरचना*

*”भाऊबीज”*

जपावे प्रेम बंध निरामय भावनेनं

बंधुभावाची शिकवण भाऊबीज सण IIधृII

सूर्यनारायण छायाचे यम यमुना संतान

यमुनानं बंधू यमास केले बोलावणं

यमाने घेतले ओवाळून दिले वस्त्राभूषणII1II

कार्तिक मासी शुद्ध पक्षातील द्वितीया दिन

तेजस वर्धमानता दावी द्वितीयेचा चंद्र

वैर संपून भावबंधन होते वृद्धिंगतII2II

शालू चिंधी बांधते द्रौपदी हरीच्या बोटास

वस्त्राहरणाचे वेळी येतो धावून श्रीकृष्ण

वसु चांदण्याच्या ज्योतीने करी चंद्रऔक्षणII3II

भाऊ जातो भगिनीकडे भाऊबीज निमित्त

बहिण गोड खाऊ देत करिते औक्षण

बंधू घाली ओवाळणी करी अभिष्टचिंतनII4II

बंधू भगिनींच्या प्रेमाचे संवर्धन दिन

समाज धर्मातील पवित्र धार्मिक सण

जपती आपापसातील नैतिक स्नेहबंधनII5II

श्री अरुण गांगल.कर्जत रायगड महाराष्ट्र.

पिन.410201.Cell.9373811677.