पिंपरी-चिंचवड महापालिकेच्या शाळा व सार्वजनिक मालमत्तांच्या खासगीकरणाविरोधात युवक काँग्रेस आक्रमक

निर्णय मागे न घेतल्यास २९ जूनपासून आमरण उपोषणाचा इशारा; राहुल गांधींकडे हस्तक्षेपाची मागणी

पिंपरी-चिंचवड :

पिंपरी-चिंचवड महानगरपालिकेच्या मालकीच्या शाळा, शैक्षणिक आरक्षित भूखंड, सार्वजनिक सुविधा आरक्षण (Amenity Space) आणि इतर सार्वजनिक मालमत्ता खासगी संस्था व ट्रस्ट यांच्या ताब्यात देण्यासंदर्भात १५ जून २०२६ रोजी झालेल्या महासभेतील निर्णयांविरोधात महाराष्ट्र प्रदेश युवक काँग्रेसचे सचिव ॲड. उमेश खंदारे यांनी तीव्र आक्षेप नोंदवला आहे. या संदर्भात त्यांनी दोन महत्त्वाची पत्रे पाठवून कायदेशीर आणि लोकशाही मार्गाने लढा उभारण्याचा निर्धार व्यक्त केला आहे.
ॲड. खंदारे यांनी लोकसभेतील विरोधी पक्षनेते राहुल गांधी यांना पाठविलेल्या पत्राद्वारे या प्रकरणात तातडीने हस्तक्षेप करण्याची मागणी केली आहे. तसेच महाराष्ट्र प्रदेश विधिमंडळाच्या वतीने आगामी पावसाळी अधिवेशनात पिंपरी-चिंचवड महापालिकेतील शैक्षणिक भूखंडांबाबतच्या कथित गैरव्यवहाराचा मुद्दा उपस्थित करून राज्यव्यापी चर्चा घडवून आणावी, अशी विनंती त्यांनी केली आहे.
दरम्यान, महापौर आणि आयुक्त यांना पाठविलेल्या अंतिम स्मरणपत्रात संबंधित निर्णय तात्काळ मागे घेण्याची मागणी करण्यात आली आहे. अन्यथा नागरिक, पालक, विद्यार्थी, झोपडपट्टीवासीय, कामगार आणि वंचित घटकांच्या सहभागातून २९ जून २०२६ पासून महापालिका मुख्यालयासमोर आमरण उपोषण आंदोलन सुरू करण्यात येईल, असा इशारा देण्यात आला आहे.
युवक काँग्रेसने नोंदवलेल्या आक्षेपांनुसार, महापालिकेच्या शाळा खासगी शैक्षणिक संस्थांच्या ताब्यात देण्याचा निर्णय सार्वजनिक शिक्षण व्यवस्थेच्या मूलभूत तत्त्वांवर आघात करणारा आहे. तसेच शैक्षणिक आरक्षित भूखंड दीर्घकालीन भाडेपट्ट्यावर खासगी संस्थांना देणे सार्वजनिक हिताच्या विरोधात असल्याचा आरोप करण्यात आला आहे. सार्वजनिक सुविधा आरक्षणासाठी राखीव असलेल्या जागांचा वापर खासगी संस्थांच्या फायद्यासाठी होत असल्याबाबतही प्रश्न उपस्थित करण्यात आले आहेत.
महापालिकेच्या निर्णय प्रक्रियेत पारदर्शकतेचा अभाव असून जनसुनावणी किंवा नागरिकांशी पुरेशी सल्लामसलत करण्यात आली नसल्याचा आरोपही करण्यात आला आहे.
कायदेशीर बाबींचा उल्लेख करताना ॲड. खंदारे यांनी भारतीय राज्यघटनेतील कलम २१-अ अंतर्गत शिक्षणाच्या मूलभूत अधिकाराचे उल्लंघन होत असल्याचा दावा केला आहे. तसेच शिक्षण हक्क कायदा २००९, घटनात्मक समानतेची हमी देणारी कलमे १४ व १५ आणि दुर्बल घटकांच्या शैक्षणिक हितसंबंधांच्या संरक्षणासंबंधी कलम ४६ यांच्याशीही हे निर्णय विसंगत असल्याचे त्यांनी नमूद केले आहे.
पत्रांमध्ये नमूद केल्याप्रमाणे, महापालिकेच्या शाळा या अनेक वर्षांपासून गरीब, कामगार, झोपडपट्टीवासीय, ओबीसी, अनुसूचित जाती-जमाती, अल्पसंख्याक आणि आर्थिकदृष्ट्या दुर्बल घटकांच्या मुलांसाठी शिक्षणाचे प्रमुख माध्यम राहिल्या आहेत. या संस्था खासगी व्यवस्थापनाकडे गेल्यास शिक्षणाच्या समान संधींवर परिणाम होऊन सामाजिक विषमता वाढण्याची भीती व्यक्त करण्यात आली आहे.
“हा संघर्ष केवळ काही शाळांचा नसून सार्वजनिक शिक्षण व्यवस्था, सार्वजनिक मालमत्ता आणि संविधानिक मूल्यांच्या संरक्षणासाठीचा आहे. लोकांच्या करातून उभारलेल्या मालमत्ता काही निवडक खासगी संस्थांच्या ताब्यात देण्याचा कोणताही प्रयत्न जनतेला मान्य होणार नाही,” असे ॲड. उमेश खंदारे यांनी स्पष्ट केले.
“सार्वजनिक शिक्षण व सार्वजनिक मालमत्ता वाचवा, संविधानिक मूल्यांचे संरक्षण करा” हा आंदोलनाचा मुख्य संदेश असल्याचे युवक काँग्रेसच्या वतीने सांगण्यात आले आहे.

_________________________
*संवाद मीडिया*

*रत्नागिरी जिल्ह्यात गेली 22 वर्षे नर्सिंग क्षेत्रात काम करण्याचा आणि 100% नोकरी देण्याचा अनुभव असलेल्या संस्थेचे*

*रत्नागिरी कॉलेज ऑफ नर्सिंग , रत्नागिरी* मध्ये *नर्सिंग* क्षेत्रात करिअर करण्याची सुवर्ण संधी

*रत्नागिरी कॉलेज ऑफ नर्सिंग , रत्नागिरी.*(Affiliated MSBNPE,INC,MNC व महाराष्ट्र शासन मान्यता प्राप्त)

*प्रवेश सुरु -शैक्षणिक वर्ष *2026-2027*

🔸 *कोर्सचे नांव-

💠*(GNM)जनरल नर्सिंग मिडवाइफरी*

•Eligibility- 12th Pass Any Stream
• Duration : 3 Years

💠*(ANM)ऑक्सिलरी नर्स मिडवाइफ*

•Eligibility- 12th Pass Any Stream

• Duration : 3 Years

*👉अनुसूचित जाती / जमाती (SC /ST ) च्या विद्यार्थांना १००% मोफत प्रवेश.(*शासन नियमानुसार).*

*👉OBC,SBC,NT च्या विद्यार्थांना शिष्यवृत्ती. (शासन नियमानुसार).*
*संधी* –

🔸संपूर्ण महाराष्ट्रातील मोठ्या शहरात शासकीय व खाजगी हॉस्पिटलमध्ये 100% नोकरीची संधी उपलब्ध.

*आपला प्रवेश लवकरच निश्चित करा.*

*पत्ता:*
ग्रामीण पोलीस स्टेशन जवळ,करावांचीवाडी ,रत्नागिरी, 415612

*📞 संपर्क:*

*9960906947 / 9422620047*

कार्यालय दररोज 9.00 ते 5.00 या वेळेत सुरू राहील.

*जाहिरात लिंक*👇
https://sanwadmedia.com/204123/
_________________________
*संवाद मीडिया*
*वेबसाईट* : https://sanwadmedia.com/
*फेसबुक* : https://facebook.com/Snvadmedia
*चॅनेल* :https://youtube.com/c/sanvadmedia
=========================
*📱जाहिरात व बातम्यासाठी संपर्क*
*9421234663*