*जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी गझलकार जयराम धोंगडे लिखित अप्रतिम गझल*

*जगरहाटी*

*एकट्याने चालणे वाटते आहे बरे…*

*लागले बोलू मलाही नद्या नाले झरे!*

*वेळ वाया घालणे टाळतो मी सारखा…*

*शोधतो आनंदवाटा निराळ्या हे खरे!*

*जगरहाटी सारखी धावते आहे पुढे…*

*रोजच्या स्पर्धेमुळे रोज भरते कापरे!*

*जोडली की माणसे जोडली जातात पण…*

*सोय करणाऱ्यास मी मानतो बस सोयरे!*

*माणसा रे माणसे मानसाळू लागती…*

*फक्त टाळाया हवे बोल काही बोचरे!*

*जयराम धोंगडे*