*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री अरुणा दुद्दलवार लिखित अप्रतिम काव्यरचना*

*योगीराज श्री संत गजानन महाराज शेगावीचे*

शेगावीचा राणा | संत गजानन |

नगरी पावन | शेगाव ती ||१

भक्त सान थोर | दर्शनाला येती|

चिंतामुक्त होती | कृपादृष्टी ||२

अन्नाचे महत्त्व | पटविले जगी |

शेगावीचा योगी | दिगंबर ||३

भाव ठेवा मनी |दृढ ठेवा श्रद्धा |

सरेल आपदा | शरणांती ||४

लीला अनंतची |भक्तांच्या कारणे |

नाहीच मागणे |अन्य काही ||५

तन मन बुध्दी | निवारता व्याधी |

शेगावी उपाधी |योगीराज ||६

भाव धरा मनी | करी रे करुणा |

विनवी अरुणा | कृपानिधे | |७

🙏🌹🙏🌹🙏🌹🙏🌹

अरुणा दुद्दलवार@✍️