*‘एमआयटी एडीटी’ विद्यापीठाच्या तनू भानची ऐतिहासिक कामगिरी!*

*एनसीसी प्रजासत्ताक दिन कॅम्पमध्ये सर्वोत्तम एनसीसी कॅडेट; पंतप्रधानांच्या हस्ते सुवर्णपदक प्रदान*

पुणे :

येथील एमआयटी आर्ट, डिझाईन अँड टेक्नॉलॉजी विद्यापीठाच्या राष्ट्रीय छात्र सेनेची (एनसीसी) कॅडेट, कनिष्ठ अंडर ऑफिसर (जेएनओ) तनू भान हिने नुकत्याच नवी दिल्ली येथे झालेल्या प्रतिष्ठित एनसीसी प्रजासत्ताक दिन कॅम्पमध्ये (आरडीसी) ३६ महाराष्ट्र बटालियनचे प्रतिनिधित्व करत भारतातील सर्वोत्तम कॅडेट होण्याचा बहुमान पटकावत ऐतिहासिक कामगिरीची नोंद केली आहे. या उल्लेखनीय यशाबद्दल तिला भारताचे पंतप्रधान नरेंद्र मोदी यांच्या हस्ते सुवर्णपदक देऊन गौरविण्यात आले.

तनू भानसह एमआयटी एडीटी विद्यापीठाचा व्यंकटेश अय्यर यानेही एनसीसी ३६ महाराष्ट्र बटालियनमध्ये स्थान मिळवत प्रजासत्ताक दिनाच्या परेडमध्ये महाराष्ट्राचे प्रतिनिधित्व केले असून, महाराष्ट्रासह एमआयटी एडीटी विद्यापीठाचा मान उंचावला आहे.

एमआयटी एडीटी विद्यापीठाच्या या दोन्ही कॅडेट्सची महाराष्ट्रातून बेस्ट कॅडेट्स म्हणून निवड झाल्यानंतर देशातील १७ डायरेक्टरेट्समधील २० लाखांहून अधिक कॅडेट्समध्ये त्यांनी सर्वोच्च स्तरावर स्पर्धा केली. त्यामध्ये तनू भान हिने उत्कृष्ट शिस्त, नेतृत्वगुण आणि प्रचंड मेहनतीच्या जोरावर सुवर्णपदकावर आपले नाव कोरले, तर व्यंकटेशनेही दाखवलेली जिद्द उल्लेखनीय ठरली.

२८ जानेवारी रोजी नवी दिल्ली येथे झालेल्या कार्यक्रमात पंतप्रधान नरेंद्र मोदी यांच्या हस्ते तनू भान हिला सुवर्णपदक प्रदान करण्यात आले. तिची ही ऐतिहासिक कामगिरी महाराष्ट्र डायरेक्टरेट, संपूर्ण एनसीसी तसेच एमआयटी एडीटी विद्यापीठासाठी अभिमानास्पद ठरली आहे.

या दोन्ही कॅडेट्सना एमआयटी एडीटी विद्यापीठातील एनसीसी विभागाचे संचालक ब्रिगेडियर मंगेश विटेकर (नि.) तसेच कॅडेट्सच्या असोसिएट एनसीसी ऑफिसर लेफ्टनंट अक्षता परदेशी यांचे मार्गदर्शन लाभले. दोन्ही कॅडेट्सच्या उल्लेखनीय कामगिरीनंतर विद्यापीठाचे कुलपती तथा अध्यक्ष प्रा. डॉ. विश्वनाथ कराड, कार्याध्यक्ष प्रा. डॉ. मंगेश कराड, प्रा. डॉ. सुनीता कराड, कुलगुरू डॉ. राजेश एस. तसेच कुलसचिव डॉ. महेश चोपडे यांनी त्यांचे अभिनंदन केले आहे.

_________________________
*संवाद मीडिया* 

👩‍⚕👩‍⚕👩‍⚕👩‍⚕👩‍⚕👩‍⚕👩‍⚕👩‍⚕👩‍⚕👩‍⚕👩‍⚕👩‍⚕

*Admission Open…..Admission Open*

*🎓 G.N.M. Nursing Admission Open 2026–27 🩺*

*द यश फाउंडेशन कॉलेज ऑफ नर्सिंग अँड मेडिकल रिसर्च इन्स्टिट्यूट, रत्नागिरी येथे*
*G.N.M. (3 वर्षांचा अभ्यासक्रम) साठी प्रवेश प्रक्रिया सुरू आहे.*

✅ शासकीय नियमानुसार शिष्यवृत्ती सुविधा

✅ अभ्यासक्रमानंतर ₹35,000 ते ₹40,000 पर्यंत पगाराच्या नोकरीची संधी

✅ 100% Placement Assistance

✅ अनुभवी प्राध्यापक व उत्तम शैक्षणिक वातावरण

*नर्सिंग क्षेत्रात उज्ज्वल भविष्य घडवायचं असेल, तर हीच योग्य संधी.*

*आजच संपर्क साधा आणि तुमचं स्वप्न पूर्ण करा.=*

*📍 मिरजोळे रोड, MIDC, रत्नागिरी*
*📞 8600302454 | 9423291863 | 8830789570*

#GNMAdmission2026
#YashFoundation
#NursingCareer
#Ratnagiri
#AdmissionOpen
#HealthcareEducation

*जाहिरात लिंक*👇
https://sanwadmedia.com/194596/
_________________________
*संवाद मीडिया*
*वेबसाईट* : https://sanwadmedia.com/
*फेसबुक* : https://facebook.com/Snvadmedia
*चॅनेल* :https://youtube.com/c/sanvadmedia
=========================
*📱जाहिरात व बातम्यासाठी संपर्क*
*9421234663*