सावंतवाडी :
कोलगाव जिल्हा परिषद मतदारसंघातून आज अधिकृत उमेदवार म्हणून भाजपच्या वतीने महेश सारंग यांनी आपला उमेदवारी अर्ज दाखल केला. निष्ठावान कार्यकर्त्यांना पक्षामध्ये नेहमीच संधी दिली जाते, असा विश्वास व्यक्त करत त्यांनी उमेदवारी देणाऱ्या पक्षातील वरिष्ठ नेत्यांचे आभार मानले.
महेश सारंग यांनी आज जोरदार शक्तिप्रदर्शन करत उमेदवारी अर्ज दाखल केला. जनतेचे साथ आणि कार्यकर्त्यांचा भक्कम पाठिंबा आपल्या पाठीशी असल्यामुळे आगामी निवडणुकीत आपला विजय निश्चित होईल, असा विश्वासही त्यांनी यावेळी व्यक्त केला.
या प्रसंगी भाजपचे पदाधिकारी, स्थानिक नेते, कार्यकर्ते तसेच नागरिक मोठ्या संख्येने उपस्थित होते.
