*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री ज्योत्स्ना तानवडे लिखित अप्रतिम काव्यरचना*
*’ श्री स्वामी समर्थ आरती ‘*
जय जय स्वामी समर्था सद्गुरुराया
ओवाळू आरती वंदन तव पाया ||
जय देव जय देव ||ध्रु||
भक्तांचा तारक तू सागर करुणेचा
मार्ग दावी सकला अनन्य भक्तीचा
दत्तात्रय अवतारी हे जगत उद्धराया ||१||
ओवाळू आरती वंदन तव पाया
जयदेव जयदेव ||
‘भिऊ नको पाठीशी मी’ स्फूर्ती देतसे
‘श्री स्वामी समर्थ’ मंत्र तारक होतसे
नाम मुखी वसो सदा मोक्षाप्रत जाया ||२||
ओवाळू आरती वंदन तव पाया
जयदेव जयदेव ||
अगाध महिमा तुमचा दयाघन स्वामी
मायपिता आमुचे तुम्हीच हो स्वामी
श्रद्धेचे बळ मिळो भवसागर तराया ||३||
ओवाळू आरती वंदन तव पाया ||
जयदेव जयदेव ||
जय जय स्वामी समर्था सद्गुरुराया
ओवाळू आरती वंदन तव पाया ||
जयदेव जयदेव ||ध्रु||
*ज्योत्स्ना तानवडे. पुणे*
