कुडाळ :
नॅनोला स्कोडा कारची धडक बसल्यामुळे झालेल्या अपघातात तिघेजण गंभीर जखमी झाले. हा अपघात आज दुपारी दिड वाजण्याच्या सुमारास बिबवणे येथे मुंबई-गोवा महामार्गावर घडला. अपघातात नॅनो कार थेट पलटी होवून दुभाजकावर जाऊन आदळली. यावेळी तेथे दाखल झालेल्या पोलीस व प्रवाशांनी जखमींना अधिक उपचारासाठी कुडाळ प्राथमिक रूग्णालयात हलविले. एकनाथ उर्फ नाथा शांताराम परब, गोपाळ उर्फ उमेश दत्ताराम सावंत आणि सोनू चंद्रकांत लिंगवत अशी जखमी झालेल्या तिघांची नावे आहेत.
