पंढरपुरात “तू माझा पुस्तकाचे प्रकाशन

संवाद तुमचा - आमचा, उभ्या महाराष्ट्राचा

पंढरपुरात “तू माझा पुस्तकाचे प्रकाशन

Post published:मार्च 7, 2023
Post category:कोल्हापूर / बातम्या
Post comments:0 Comments

पंढरपुरात “तू माझा पुस्तकाचे प्रकाशन

इचलकरंजी :

येथील श्रीमती अक्काताई रामगोंडा पाटील कन्या महाविद्यालयातील प्रा.डॉ. प्रतिभा पैलवान यांच्या “तू माझा सांगाती” या ललित संग्रहाचे प्रकाशन श्री क्षेत्र पंढरपूर येथील श्री विठ्ठल रुक्मिणी मंदिराच्या गाभाऱ्यामध्ये मान्यवरांच्या उपस्थितीत संपन्न झाले.

श्री क्षेत्र आळंदी ते श्री क्षेत्र पंढरपूर पायी वारी सोहळ्यामध्ये आलेल्या अनुभवाचे कथन या संग्रहामध्ये करण्यात आले आहे. हा अविस्मरणीय प्रकाशन सोहळा साक्षात परब्रम्ह परम चैतन्य श्री पांडुरंगाच्या चरणाजवळ झाला.
श्री विठ्ठल रुक्मिणी मंदिरात अखंड चोवीस तास विणा घेऊन उभे असणारे श्री बडे बंधु यांच्या हस्ते या संग्रहाचे प्रकाशन करण्यात आले. आणि मंदिरात संग्रहाचे प्रकाशन होणे हा महाराष्ट्रातील, श्री विठ्ठल रुक्मिणी मंदिरातील क्वचित घडून येणारा प्रसंग अनुभवास मिळाला, त्याबद्दल डॉ पैलवान यांना अनेकांनी भरभरून शुभेच्छा दिल्या. श्री विठ्ठलाच्या चरणांशी असा सोहळा संपन्न होणे ही पूर्व जन्माची पुण्याई आहे.डॉ पैलवान करत असलेल्या सामाजिक साहित्यिक आणि शैक्षणिक कार्यासाठी श्री विठ्ठलाचे आशिर्वाद आहेत,असे मत मान्यवरांनी व्यक्त केले.

या कार्यक्रमासाठी प्रमुख पाहुणे म्हणून युवा नेते प्रणव परिचारक,ह. भ. प. श्री ज्ञानेश्वर महाराज जळगावकर,ह. भ. प. मदन महाराज ,हरिदासी श्रीमती शकुंतला नडगिरे , अयोध्या ज्वेलर्सचे सर्वेसर्वा शहा , मोहिते वेलनेस कोच सौ.महानंदा कदम तसेच पुणे जिल्हा सरपंच महासंघाचे अध्यक्ष विकास कडू पाटील ,पुणे जिल्हा सरपंच संघाचे उपाध्यक्ष सागर चोरघे, ज्येष्ठ समाजसेविका श्रीमती सुनंदा पाटील, नोबल ज्वेलर्स, तासगावचे किरण पाटील, डिजिटल मीडिया सांगलीचे
तानाजीराजे जाधव,सौ विद्या जाधव, श्री विठ्ठल रुक्मिणी मंदिर नित्योपचार प्रमुख अरुण सरगर आदींसह विविध मान्यवर , साहित्य रसिक
उपस्थित होते.