You are currently viewing कशी पेटवू रे वात ?

कशी पेटवू रे वात ?

*जागतिक साहित्य कला व्यक्तित्व विकास मंच सदस्य ज्येष्ठ लेखक कवी निवृत्त पोलीस अधिकारी वासुदेव खोपडे लिखित अप्रतिम काव्यरचना*

*कशी पेटवू रे वात ?*

डूबलं रे पिक सारं
गेली पाण्यात कमाई
सांग सांग रे सायबा
कशी करु मी दिवाई !!

झाली वरचढ आज
फुशी फटाक्याची वात
गड्या मातीमोल झाली
माह्या पणतीची वात !!

तेलं बेइमान झालं
कापसाच्या त्या वातीले
कसं वांझपण आलं
खापराच्या पणतीले !!

कसा लाऊ दिवा देवा
घरी दारी मी देव्हारी
असे लक्ष्मीचा निवास
निच बेइमाना घरी !!

दीप आरास पेटली
भ्रष्ट दुराच्याऱ्या घरी
कसा अंधारात झोपे
बळीराजा कष्टकरी !!

गोड दिवाई लागेना
पेटली रे महागाई
स्वरक्ताचेच व्यापारी
आज झालेत कसाई !!

कसा लावू तेलदिवा
तेल चटणीवर न्हाई
दिवे लावाया पाण्याचे
येतील काय बाबा साई ?

वासुदेव महादेवराव खोपडे
सहा.पोलीस उपनिरिक्षक (सेनि)
अकोला (9923488556)

प्रतिक्रिया व्यक्त करा

1 × 3 =