सावंतवाडी
येथील मुजीब शेख मित्र मंडळाकडून स्वातंत्र्याच्या अमृत महोत्सवा निमित्त “एकता दहीहंडी” चे आयोजन करण्यात आले आहे. हा उत्सव १९ ऑगस्टला येथील गांधी चौकात साजरा होणार आहे. तर यावेळी सहभागी गोविंदा पथकांना रोख पारितोषिक देऊन गौरविण्यात येणार आहे. तरी जास्तीत-जास्त गोविंदा पथकांनी आणि नागरिकांनी याप्रसंगी उपस्थित रहावे, असे आवाहन मंडळाचे प्रमुख प्रवीण गावडे यांनी केले आहे. याबाबत त्यांनी प्रसिद्धी पत्रक दिले.
त्यात असे नमूद करण्यात आले आहे की, गेली काही वर्षे सावंतवाडी येथील आकर्षक आणि नाविन्यपूर्ण दहीहंडी उत्सव अशी ओळख या मंडळाच्या उत्सवाची निर्माण झाली आहे. कोरोना प्रतिबंध मुक्तीनंतर या वर्षी खास लोकाग्रहास्तव पुन्हा एकदा उत्साहपूर्ण वातावरणात हा उत्सव होईल. गांधिचौक येथील वसंत प्लाझा इमारतीच्या परीसरात १९ ऑगस्टला होणा – या या दहीहंडी उत्सवात विविध रोख पारितोषिके ठेवण्यात आली आहेत. तरी विविध गोविंदा पथकांना या दहीहंडी उत्सवात सहभागी होण्याचे तसेच सर्व नागरीकांना या दहीहंडी उत्सवाचा लाभ घेण्याचे आवाहन मुजीब शेख मित्र मंडळातर्फे करण्यात आले आहे.
