*जागतिक साहित्य कला व्यक्तित्व विकास मंच सदस्या ज्येष्ठ लेखिका कवयित्री सौ. मंजिरी अनसिंगकर लिखीत अप्रतिम अभंग रचना*

*||आदिशक्ती||*

आदिशक्ती दुर्गा || विश्वाचे हो मूळ
संहार समूळ||दानवाचा——१

ब्रह्मा विष्णु रूद्र|| तत्व प्रगटले||
शक्तीस निर्मिले|| संहाराया—–२

अष्टभुजा दुर्गा||सुसज्ज जाहली||
आयुधे मिळाली|| देवांची हो||–३

सिंहारूढ देवी|| गर्जती जाहली||
पृथ्वी थरारली|| नादकंपे||—-४

देवीने क्रोधाने|| मारीला असुर||
तो महिषासुर||शूलाने हो||—-५

पुष्पवृष्टी केली||सकल देवांनी||
असुर मर्दिनी|| ख्यात जगी||—-६

माउली जगाची|| प्रार्थिते तुजला||
दुर्जनासुराला|| संहारावे||—–७

विनवी मंजिरी|| जग्गजननीला||
सांभाळी सकला||भक्तजना||—-८

सौ.मंजिरी अनसिंगकर नागपूर.