You are currently viewing अमेरिकेच्या नासा संशोधन केंद्राद्वारे मंगळ ग्रहावरील मार्स मिशन 2026 साठी साकव्य प्रमुख कवी पांडुरंग कुलकर्णी यांचे नाव सामील

अमेरिकेच्या नासा संशोधन केंद्राद्वारे मंगळ ग्रहावरील मार्स मिशन 2026 साठी साकव्य प्रमुख कवी पांडुरंग कुलकर्णी यांचे नाव सामील

अमेरिकेच्या नासा संशोधन केंद्राद्वारे मंगळ ग्रहावरील मार्स मिशन 2026 साठी साकव्य प्रमुख कवी पांडुरंग कुलकर्णी यांचे नाव सामील.

अमेरिकेच्या नासाद्वारे जगातील निवडक मान्यवर व्यक्तींना जुलै 2026 मध्ये मंगळ ग्रहावरील मार्स मिशन 2026 करिता पाठविण्यात येणार आहे. मार्स मिशन 2026 साठी जगभरातून जी यादी तयार केली आहे त्यात साहित्य कला व्यक्तित्व विकास मंचचे प्रमुख कवी आदरणीय पांडुरंग कुलकर्णी यांचे नाव सामील आहे. मार्स मिशन 2026 करिता नासाद्वारे बोर्डिंग पास वितरित करण्यात आले आहेत. साकव्यचे प्रेरणादायी अध्यक्ष कवी पांडुरंग कुलकर्णी यांच्या नावानेही नासाकडून बोर्डिंग पास वितरित केला आहे.


5 जुलै हा आदरणीय कवी पांडुरंग कुलकर्णी यांचा वाढदिवस… नासाकडून कवी पांडुरंग कुलकर्णी यांना मंगळ ग्रहावरील मार्स मिशन 2026 साठी निवड झाल्याचे कळविण्यात आल्यानंतर पांडुरंग कुलकर्णी यांनी आपली प्रतिक्रिया देताना “आपल्या 65 व्या वाढदिवसानिमित्त नासाकडून मिळालेली ही अभूतपूर्व भेट” असल्याचे म्हटले आहे. साहित्य कला व्यक्तित्व विकास मंचच्या माध्यमातून कवी पांडुरंग कुलकर्णी यांनी अनेकांना साहित्य निर्मितीसाठी एक उत्कृष्ट दालन खुले करून दिले आहे. साहित्य कला व्यक्तित्व विकास मंचच्या माध्यमातून अनेक साहित्यिकांनी कविता, समाज प्रबोधन पर लेख, कथा, गझल, लावणी आदी साहित्यांची निर्मिती केलेली असून साकव्य वर होणाऱ्या स्पर्धांमध्ये उत्कृष्ट लेख व कवितांचे शोपिझन या प्रसिद्ध ॲप द्वारे ई-बुकच्या माध्यमातून साकव्य प्रमुख कवी पांडुरंग कुलकर्णी यांनी प्रकाशन केले आहे. त्यामुळे दिवसेंदिवस साकव्य विकास मंच जागतिक पातळीवरील नावाजलेला समूह बनला आहे.
साकव्यचे अध्यक्ष आदरणीय कवी पांडुरंग कुलकर्णी यांच्या निवडीबद्दल अनेक मान्यवरांनी व साकव्य सदस्यांनी त्यांचे अभिनंदन केले आहे. नासाकडूनही साकव्य कवी संघटनेचे प्रेरणादायी अध्यक्ष पांडुरंग कुलकर्णी यांना शुभेच्छा देत अभिनंदन केले आहे.

प्रतिक्रिया व्यक्त करा

20 + twenty =