You are currently viewing एक पाखरू

एक पाखरू

जागतिक साहित्य कला व्यक्तित्व विकास मंच सदस्या लेखिका कवयित्री सौ प्रतिभा हरणखेडकर यांची अप्रतिम काव्यरचना

एक पाखरू वेल्हाळ
उडे स्वच्छंद आपलं
गडगडाटानं भ्यालं
घरट्यात ते लपलं

गेला पाऊस पडून
झा लं निरभ्र आकाश
सूर्य लागला चमकू
दिसे सर्वत्र प्रकाश

आलं हळूच बाहेर
घेई चाहूल दमानं
ओली हवा साद देई
शीळ घातली वा-यानं

भीड चेप ली पाखराची
अन आलं ते खुशीत
अंग झाडीत ओलेते
गाणे घेऊन चोचीत

गात सुटले स्वच्छंदी
भीड पळाली कुठेशी
झेप घेतली मजेत
खुल्या मोकळ्या आकाशी

घेत सुरांची वेलांटी
गाणे रेखीले एकांती
सखे येताच सोबती
मस्त मारली कोलांटी

गोफ विणला सा-यांनी
आरसपानी आसमंती
फुले गुलाब मोगरा
जाई जुई नी वासंती

गंधाळली सारी सृष्टी
रंग फेकले प्राचीने
त्याच रंगात रंगली
सारी पाखरे मजेने

डॉ. प्रतिभा हरणखेडकर
जळगाव

प्रतिक्रिया व्यक्त करा

10 − 8 =