*सिंधुदुर्ग जिल्ह्यातील “भोवतालकार” मालवणी कवी विनय सौदागर यांची अप्रतिम मालवणी काव्यरचना*

*निस्ता घुमघुमताहा*
v/v/s…….

ढग झालेत जमा
आवरीनात कामा
पावस मात पडाना
घुमघुमताहा

सासयने टाकला किटाळ
सुनेक म्हायेराक पिटाळ
झील मान हलयना
घुमघुमताहा

शेजाऱ्यान सोडली पुडी
‘चेडवाक न्हयते वडी ‘
इचारूक जमाना
घुमघुमताहा

धनी लागलो आरडाक
कूळ लागला मुरडाक
सातबाऱ्यार काय नाय
घुमघुमताहा

खांबयो लय कुदता
इर्तिक पाॅस मागता
पाषाणाक कौल नाय
घुमघुमताहा

बबनो मांडता ठराव
व्हाळयेत घालया भराव
पंचायतीक पास नाय
घुमघुमताहा

योक लायता काडया
दुसरो लायता आडया
असल्यांक उपाय नाय
घुमघुमताहा
निस्ता घुमघुमताहा.

(भोवताल-3…..काव्यसंग्रह)

*विनय सौदागर*
आजगाव, सावंतवाडी.
9403088802……..१६