जागतिक साहित्य कला व्यक्तित्व विकास मंच सदस्या लेखिका कवयित्री सौ आदिती मसुरकर यांची मराठी भाषेची महती सांगणारी काव्यरचना

माझी माय मराठी
महाराष्ट्राची जननी
किती करु गुणगान
आज तिचे मनोमनी

देवनागरी लिपीत
भासे मोत्यांचे दाणे
स्वरालंकारात उठती
तिचे मंजुळ तराणे

शब्दा शब्दात गुंफून
गद्य पंक्तीत शोभते
रसिक वाचकांच्या
मनावर तीच बरसते

ओव्या पोवाड्या मधून
किती गोडवे तिचे गावे
आतुरताच कान माझे
मन तिच्या ओढीने धावे

*✍️ ©सौ. आदिती मसुरकर*
*कुडाळ सिंधुदुर्ग*