जागतिक साहित्य कला व्यक्तित्व विकास मंच सदस्य ज्येष्ठ लेखक कवी श्री अरविंदजी ढवळीकर यांची अप्रतिम काव्यरचना

काल् एक अंकुरले बीज पाहिले
रम्य नव्या पहाटेस जीवन स्फुरले

वाट पाहिली असेल
दिन अनेक मातीत
अंधार भोगला असेल
उन पावसा सहीत्
मिटू पाहता अखेर अंकुर त्या फुटले
काल एक अंकुरले बीज पाहिले

सुंदरशी अनुभूती जरी
प्रश्न उगा मनी रुजले
असेल काय हेच सत्य
रहस्य जन्म जन्मातले
मिटता “मी “बीज द्वार मुक्तीचे खुलले
काल एक अंकुरले बीज पाहिले

बहर सम्पता क्षणीच
रोप ही कॉमेजते ना ?
फिरूंनी वसंत ये दारी
तेच गन्ध फुलविते ना ?
मनुष्य काय वेगळा मग सहजच सुचले
काल एक अंकुरले बीज पाहिले

अरविंद
२३/१/२२