जागतिक साहित्य कला व्यक्तित्व विकास मंच सदस्य ज्येष्ठ लेखक कवी श्री अरविंदजी ढवळीकर यांची काव्यरचना

मनास माझ्या अर्थ वेगळा विश्वाचा या कळे
आज हे मन होई मोकळे

आजवरीच्या हृद्य स्मृतींच्या
कधी सुखाच्या कधी दुःखाच्या
नकळत या जीवाला जडल्या
कधी लाभल्या ईशकृपेच्या
अर्पून त्या अक्षता क्षणांच्या अनुभवतें सोहळे
आज हे मन होई मोकळे ..

कधी दृश्यातच मनही रंगले
कधी अकल्पित स्वप्नं भंगले
सौख्याच्या शोधात निरंतर
मी माझेपण हरवून बसले
शांत चित्त तरी कसे रहावे अंतरी व्यथा छळे
आज हे मन होई मोकळे ……..

प्रसन्नतेचे आयुध घेतले
काय हवे तें मला गवसले
आंनदाचे पसायदानच
आपुलकीच्या ओठी स्मरले
प्रेम ही पूजा नाम निरांजन गुरुदर्शन सोवळे
आज हे मन होई मोकळे ……

अरविंद