You are currently viewing अंबाबाई

अंबाबाई

 

करवीर निवासिनी
महालक्ष्मी अंबाबाई
जगदंबा रूप शोभे
तूज जगताची आई

साडेतीन पिठापैकी
एक पीठ तुझे माते
संकटात तू भक्तांच्या
हाकेसी धावोनी जाते

मूर्ती देखणी दगडी
मुकुट तो डोक्यावरी
दिसे त्यावरी शोभूनी
नागराज फणा धरी

रूप तुला रोज नवे
साडीची धार सोनेरी
किरणोत्सव असता
किरणे ती अंगावरी

भिंतीवरी देवळाच्या
नर्तकी यक्ष अप्सरा
टाळकरी विणावादी
कोरलेला हा पसारा

कृपा तुझी भक्तांवरी
ठेव सदैव तू आई
प्रार्थना हीच भक्ताची
अंबाबाई तुझ्या ठाई

©[दिपी]
दीपक पटेकर, सावंतवाडी
८४४६७४३१९६

प्रतिक्रिया व्यक्त करा

4 × 1 =