सिंधुदुर्गनगरी :

देवगड तालुक्यातील मौजे-  हिंदळे राणेवाडी येथील घर क्र. 941 चा परिसर, मौजे- मुणगे बांबरवाडी येथील घर क्र. 346 चा परिसर, मौजे- देवगड सडा नेनेनगर गुरुकृपा बिल्डिंगमधील रुम क्र. 202 चा परिसर, मौजे- मिठबांव देऊळवाडा येथील घर क्र 239 व घर क्र. 253 चा परिसर, मौजे- दहिबांव बागमळा येथील घर क्र. 576 व घर क्र. 768 चा परिसर व मौजे-शिरगांव धोपटेवाडी येथील घर क्र. 645 चा परिसर या सर्व ठिकाणी  कोरोना विषाणुचा प्रादुर्भाव टाळण्यासाठी कंटेन्मेंट झोन म्हणून जाहीर करण्यात आला आहे.

सदर कंटेन्मेंट झोनमध्ये दिनांक 29 सप्टेंबर 2020 रोजी रात्री 12.00 पर्यंत सर्व आस्थापना, दुकाने, वस्तुविक्री बंद राहणार आहेत. तसेच या क्षेत्रामध्ये नागरिकांना येणे- जाणे व सर्व प्रकारच्या वाहनांना प्रवेश बंद असेल. हे आदेश अत्यावश्यक सेवा, सार्वजनिक वितरण व्यवस्था, वैद्यकिय उपचार व्यवस्था, बँक, सेवा देणारे अधिकारी, कर्मचारी व त्यांची वाहने यांना लागू राहणार नाही. तसेच सदर आदेशाचे उल्लंघन करणाऱ्याविरुध्द आपत्ती व्यवस्थापन कायदा 2005 कलम 51 व 58 अन्वये तसेच महाराष्ट्र पोलीस अधिनयम, 1951 चे कलम 71,139 तसेच भारतीय दंड संहिता (45 ऑफ 1860)  च्या कलम 188 अन्वये कारवाई करण्यात येईल, असे आदेश कणकवली  उपविभागीय अधिकारी वैशाली राजमाने  यांनी दिले आहेत.