वाट पाही भाऊराया
आज बहीण येणार
धागा प्रेम विश्वासाचा
मनगटी बांधणार
रोज येते आठवण
कडा ओलावती डोळे
भाव मनातले तिच्या
गाली आनंदाश्रू बोले
नातं अतूट प्रेमाचे
भावा बहिणीचे असे
राग द्वेष मनामध्ये
चुकूनही येत नसे
माया ममतेची मूर्ती
प्रेम हृदयी अपार
जीवनास बहिणीच्या
भाऊ देतसे आकार
ओढ माहेराची तिला
भाऊ स्वागतास उभा
भासे हृदय भावाचे
जसा मंदिराचा गाभा
सण राखी पौर्णिमेचा
रेशमांच्या बंधनांचा
भाऊ बहीण नात्याचा
सोहळाच भावनांचा.
{दिपी}
©दीपक पटेकर, सावंतवाडी
८४४६७४३१९६
