सिंधुदुर्गनगरी :- 

कुडाळ तालुक्यातील मौजे डीगर, रुमडगाव, रुमडगाळू येथील घर क्र. 952 च्या 50 मीटर परिघामध्ये, वेताळबांबार्डे, चर्मकारवाडी व मुस्लिमवाडी घर नं. 466 च्या 50 मीटर परिघामध्ये,  दिनांक 28 सटेंबर 2020 व  पिंगुळी-गुढीपूर घर नं. 1335 च्या 50 मीटर परिघामध्ये, साळगाव, घाटकरनगर, गायचोरवाडी घर नं. 1280 च्या 50 मीटर परिघारमध्ये, वाडोस-येकुंद्रावाडी घर क्र. 895 च्या 50 मीटर परिघामध्ये  दिनांक 29 सप्टेंबर 2020 पर्यंत  कोरोना विषाणूचा प्रादुर्भाव टाळण्यासाठी कंटेन्मेंट झोन  म्हणून जाहीर करण्यात आला आहे.

सदर कंटेन्मेंट झोनमध्ये संबंधित दिनांकपर्यंत,सर्व आस्थापना, दुकाने, वस्तूविक्री बंद राहणार आहेत. तसेच या क्षेत्रामध्ये नागरिकांना येणे – जाणे व सर्व प्रकारच्या वाहनांना प्रवेश बंद असेल. हे आदेश अत्यावश्यक सेवा, सार्वजनिक वितरण व्यवस्था, वैद्यकिय उपचार व्यवस्था, बँक, सेवा देणारे अधिकारी, कर्मचारी व त्यांची वाहने यांना लागू राहणार नाही. तसेच सदर आदेशाचे उल्लंघन करणाऱ्याविरुध्द आपत्ती व्यवस्थापन कायदा 2005 कलम 51 व 58 अन्वये तसेच महाराष्ट्र पोलीस अधिनयम, 1951 चे कलम 71,139 तसेच भारतीय दंड संहिता (45 ऑफ 1860)  च्या कलम 188 अन्वये कारवाई करण्यात येईल, असे आदेश कुडाळच्या उपविभागीय अधिकारी वंदना खरमाळे यांनी दिले आहेत.