*ज्येष्ठ लेखिका कवयित्री अरुणा दुद्दलवार लिखित अप्रतिम काव्यरचना*
*मोरपंखी*
🦚
मोरपंखी रंगाला
नाही उपमा कशाची
ईश्वरी स्पर्शाची
देणगी।।
गर्द हिरव्यात
निळसर मिसळते छटा
सागराच्या लाटा
अद्भूत।।
रमणीय पिसारा
मोराचा डौलाने खुलतो
मखमली सुखावतो
स्पर्श।।
गो-या रंगावर
मोरपंखी रेशमी पैठणी
लाखात देखणी
नववधू।।
वहीतील मोरपंख
आठवणीत आहे उरले
गालावर फिरले
हळूवार।।
मोरपंखी रंगाला
कान्हाच्या मुकुटात स्थान
रंग महान
ईशस्पर्शी।।
🦚
अरुणा दुद्दलवार@✍️
