*जागतिक साहित्य कला व्यक्तित्व विकास मंचचे सन्मा सदस्य ज्येष्ठ कवी विनायक जोशी लिखित अप्रतिम काव्यरचना*
*खात्रीचं कुठाय गणगोत*
दिवसभर मी काय करू
नको जाऊ ठेवून एकटीला
गर्दुले सारे मारती चकरा
नाही कोणी मजला साथीला
//1//
शाळेपाशी मुले अडवतात
कोणी धरतो झिंज्या माझ्या
कोणी आडवतो रस्त्यात
म्हणतो करू देवीची पूजा
//2//
सोडून बसली पोर लज्जा
ओढून वेणी मास्तरणीची
शाळेत घालतात *हैदोस*
कुणी न घेतो तक्रार त्यांची
//3//
असली जरी तक्रार कमिटी
करतात मांडवली सगळे तेच
खोडी काढून पळतात पोरे
कसे पकडायचे पडलाय पेच
//4//
शिक्षक सारे झालेत हैराण
टगेगिरी चालते *राजरोस*
आपले ओठ आपली जीभ
पायात नाही कुणाच्या पायपोस
//5//
जाता सारे ऊस तोडायला
असते एकटी झोपडीत
नाही कुत्रा भुंकायला सुध्दा
खात्रीच कुठाय *गणगोत*
//6//
विनायक जोशी 🖋️ठाणे
1110/9324324157
