*जागतिक साहित्य कला व्यक्तित्व विकास मंचचे सन्मा सदस्य ज्येष्ठ लेखक कवी गझलकार जयराम धोंडगे लिखित अप्रतिम गझल*
*दोनोळी*
(शेर)
साधक बाधक नाही मी शिस्तीत मांडतो…
एकेका शब्दाला दोनोळीत बांधतो!
आपुलकीने सुनावल्यावर रुसती फुगती…
वाटत जाते काहींना मी फार भांडतो!
पाहतो ऐकतो अनुभवतो जे जे काही…
गझलकार आहे तर गझलेतून सांगतो!
हेवेदावे गटातटाच्या धानालाही…
प्रेमाने मी प्रेमाच्या उखळात कांडतो!
सुखिया होण्यासाठी गझलेला मी वरले…
आनंदाने संसारी जयराम नांदतो!
जयराम धोंगडे
