*जागतिक साहित्य कला व्यक्तित्व विकास मंचच्या सन्मा सदस्या ज्येष्ठ लेखिका कवयित्री अरुणा दुद्दलवार लिखित अप्रतिम अभंग*
*सुगंध मातीचा*
आकाशी दाटले।काळेभोर मेघ।
दामिनीची रेघ।चमकली।।१
सरसर धारा। अवनी भिजते।
लावण्य दिसते। उठुनिया।।२
हिरव्या रंगात। रंगले ते मन।
शहारले तन। आठवात।।३
सृजनाची साक्ष।रोप तरारलं ।
सरीत भिजलं। चिंबचिंब।।४
पाखरांची गाणी।गुंजती कानात।
ओढे खळाळत। वहातसे।।५
सुगंध मातीचा। प्रसन्नता मनी।
ईश्वरी करणी। निर्मितीची।।६
भक्ती भावनेचा।अभंग मुखात।
अरुणा गातसे।सावळ्याचा।।७
~~~~~~~~~~
अरुणा दुद्दलवार@✍️
